2017 жылғы бірінші жартыжылдықта азаматтарға 18 млн. астам қызмет көрсетілді. Бұл ретте, электрондық үкімет порталы арқылы көрсетілген танымал қызметтердің бестігіне «Бірыңғай жинақтаушы зейнетақы қоры салымшысы қаражатының түсуі және қозғалысы туралы ақпарат беру» енді. Ағымдағы жылғы бірінші жарты жылдықта осы қызмет1 426 237 рет пайдаланылды.

Электрондық үкімет порталында ұялы телефон нөміріне жолданған бір реттік парольді енгізу арқылы электрондық цифрлық қолтаңбасыз 30 қызмет қолжетімді.

Қызметті бір реттік пароль арқылы алу үшін, www.egov.kz порталында авторизациядан өткен қолданушыға ЖСН және «мобильдік азаматтар қорында» тіркелген ұялы телефон нөмірін көрсету қажет, содан соң алынған бір реттік парольді арнайы жолға енгізу керек. Телефон номірін ЖСН-ға бекітуді қолданушының Жеке кабинетінде немесе ХҚКО-да жүзеге асыруға болады.