Жаңа көрсетілетін қызмет Қазақстан Республикасы Қарулы Күштерінің қызметтік тұрғын үйге мұқтаж азаматтық персоналы үшін eGov Mobile мобильді қосымшасында қолжетімді. Енді қызметтік тұрғын үйге кезекке тұру тек электрондық үкімет порталы арқылы ғана емес, сонымен қатар смартфондардан да мүмкін.

Жаңа сервис пайдаланушылар, enbek.kz порталында тіркелген ұйымдардың жаңа жұмыскерлері үшін eGov Mobile мобильді қолданбасында қолжетімді. Енді пайдаланушылар жұмыс берушімен еңбек шартына тек қағаз түрінде ғана емес, смартфондардан да қол қоя алады.

Денсаулық сақтау саласында дезинфекция, дезинсекция, дератизация бойынша қызметтер көрсетуге лицензия беру қызметі 2024 жылғы 1 шілдеден бастап elicense.kz порталында автоматтандырылды. Лицензияны заңды тұлғалар да, жеке кәсіпкер ретінде тіркелген жеке тұлғалар да ала алады.

Лицензия алу толығымен автоматтандырылған. Қызмет көрсету мерзімі жаңа лицензия алу үшін 15 жұмыс күнін және қолданыстағы лицензияны қайта ресімдеу үшін 3 жұмыс күнін құрайды.

Шағын және орта бизнес өкілдері eGov Business мобильді қолданбасының көмегімен мемлекеттік қызметтер мен сервистерді пайдалана алады. Қолданбаны App Store және Play Market қолданбалар дүкендерінен жүктеп алуға болады және IOS пен Android мобильді құрылғыларында жұмыс істейді.

eGov.kz порталы қазірдің өзінде барлық мемлекеттік қызметтер мен сервистердің 90%-дан астамын автоматтандырды. Смартфондардан қызмет алуға деген жоғары сұранысты ескере отырып, eGov Mobile мобильді қосымшасын дамытуға ерекше назар аударылады. EGov порталы мен eGov mobile қосымшасының тіркелген пайдаланушыларының саны 14 миллионнан астам азаматты құрайды, олардың 1,2 миллионнан астамы осы жылдың басынан бастап тіркелген.

Қазақстан Республикасының Әділет министрлігі Цифрлық даму, инновация және аэроғарыш министрлігі және «Ұлттық ақпараттық технологиялар» АҚ-мен бірлесіп «eGov Business» мобильді қолданбасында «Заңды тұлғаның цифрлық сенімхаты» сервисін іске қосқаны туралы хабарлайды.

Бұл сервис ұйым басшыларына өз қызметкерлеріне сенімхат беру процесін едәуір жеңілдетеді және жеделдетеді.

Алаяқтардың құрбаны болмас үшін 1414-тен кодтары бар хабарламаларды үшінші тұлғаларға жібермеңіз. 

Алаяқтар хабарламадағы кодты пайдаланып, сіздің цифрлық деректеріңізге қол жеткізе алады.

Сондай-ақ, ЭЦҚ-ны үшінші тұлғаларға бере отырып, сіз оларға заңды қол қою мүмкіндігін бересіз және оның салдары үшін жауап бересіз.

ДЕРЕКТЕРДІ ҚАЛАЙ ҚОРҒАУҒА БОЛАДЫ?

Пайдаланушылар eGov.kz порталында техникалық және кәсіптік, орта білімнен кейінгі білім беру ұйымдарына құжаттарды қабылдауға онлайн-өтінім бере алады. Қызметті іске қосу колледждерге және басқа білім беру мекемелеріне түсу үшін құжаттарды тапсыру процесін жеделдетеді және жеңілдетеді.

Енді қазақстандықтар eGov Mobile мобильдік қолданбасы арқылы өз балаларына соттылықтың жоқтығы туралы анықтама ала алады. Бұл қызмет кәмелетке толмағандардың ата-аналары мен заңды өкілдеріне қол жетімді.

Пайдаланушылар анықтама форматын таңдай алады: электронды түрде немесе апостильмен қағаз түрінде. Егер сіз апостилмен анықтаманы таңдасаңыз, Мемлекеттік корпорация филиалының мекенжайын көрсетуіңіз және мемлекеттік бажды төлеуіңіз керек.