«Қазақстанда мемлекеттік қызметтерді 1414 нөмірі арқылы көрсету процесіне Кеңес роботы қосылды», - деп хабарлайды «Ұлттық ақпараттық технологиялар» АҚ.

Осылай, 1414 Бірыңғай байланыс орталығына хабарласу кезінде Кеңес роботы қоңырау шалушымен амандасып, телефон арқылы мемлекеттік көрсетілетін қызметтер бойынша консультация береді.

2018 жылғы 12 сәуірде Қазақстанның электрондық үкімет порталына 12 жыл толды. Портал мемлекеттік қызметтерді алудағы бірыңғай терезесі ретінде іске қосылған.

2017 жылғы қаңтарда eGov.kz порталында үйден шықпай-ақ тұрғылықты жері бойынша уақытша тіркеу мүмкіндігі жүзеге асырылған болатын. Бұл қызмет бойынша бір жерде 1 айдан 48 айға дейін уақытша тіркеле алады, бұдан басқа тұрақты мекенжайы сақталады. 5 ақпараттық жүйенің («Жеке тұлғалар» МДҚ, «Жылжымайтын мүлік тіркелімі» МДҚ, «Мекенжай тіркелімі» АЖ, «Халықты құжаттандыру және тіркеу» Тіркеу пункті» АЖ, «Электрондық үкімет порталы» АЖ) интеграциясының арқасында қазіргі уақытта азаматтар онлайн режимде небәрі 15 минут ішінде уақытша тіркеу қызметін рәсімдей алады.

28 сәуірде «ҰАТ» АҚ басшылары, сондай-ақ ҚР Ақпарат және коммуникациялар министрлігі, «Зерде» холдингінің өкілдері және облыстық ақпараттық технологиялар орталықтары директорларының қатысуымен кеңейтілген жиналыс өткізілді.

Компанияның әрбір блогы бойынша 2018 жылғы 1-тоқсандағы есептер таныстырылды, сондай-ақ ағымдағы жылдың соңына дейінгі қойылған міндеттерді іске асырудың қадамдық әрекеттері егжей-тегжейлі талқыланды.