Директорлар кеңесінің төрағасы, тәуелсіз директор

Туған жылы мен күні: 1983 жылы 31 шілде.

Азаматтығы: Қазақстан Республикасының азаматы.

Директорлар кеңесіне сайланған күні: 2024 жылғы 31 мамыр.

Директорлар кеңесінің мүшесінің функциялары Қазақстан Республикасының «Акционерлік қоғамдар туралы» Заңымен, «ҰАТ» АҚ-ның Жарғысымен, Директорлар кеңесі туралы ережемен және өзге де ішкі құжаттарымен регламенттеледі.

Директорлар кеңесінің комитеттеріндегі қызметі:

• Стратегиялық жоспарлау жөніндегі комитетінің төрағасы;
• Кадрлар және сыйақылар жөніндегі комитеттің төрағасы;
• Аудит жөніндегі комитетінің мүшесі;

Білім беру және біліктілікті арттыру:

• 2002 жылы Қазақ-түрік есеп-экономикалық колледжін «Маркетинг» мамандығы бойынша бітірген.
• 2006 жылы Қазақ ұлттық университетін бітірген. Әл-Фараби «Менеджмент» мамандығы бойынша.
• 2017 жылы Лондон Бизнес мектебін, Sloan магистратура «Көшбасшылық және Стратегия» бітірді.
• 2013 жылдан бастап халықаралық сертификатталған бухгалтерлер қауымдастығының (ASSA) мүшесі.
• 2014 жылдан бастап сертификатталған кәсіби бухгалтер.
• 2020 жылы «Цифрлық трансформацияны басқарудағы стратегиялық көшбасшылық» бағдарламасы бойынша біліктілікті арттыру туралы Сколково бизнес мектебінің сертификаты алынды.

Еңбек тәжірибесі: Еңбек жолын 2006 жылы Deloitte халықаралық компаниясында аудитордың ассистенті болып бастады. Әр жылдары Deloitte аға аудиторы болып жұмыс жасады, «Казцинк» ЖШС компаниялар тобында ұзақ уақыт жұмыс атқарды, «Астана халықаралық қаржы орталығының құрылымында үш жылдан астам түрлі позицияларды, оның ішінде «Астана халықаралық қаржы орталығы әкімшілігінің еншілес құрылымындағы Инвестициялар жөніндегі Басқарма төрағасының орынбасары, «Зерде» Ұлттық инфокоммуникация холдинг» АҚ тарату комиссиясының төрағасы лауазымдарын атқарды.

Сондай-ақ, 2021 жылдың ақпан айынан бастап Тәуелсіз директор, «Үлбі металлургия зауыты»АҚ Директорлар кеңесінің мүшесі болып табылады.

Аманжолов А.Қ. «ҰАТ» АҚ Директорлар кеңесінің тәуелсіз директоры ретінде тәуелсіздіктің Заңмен, Қоғам Жарғысымен, сондай-ақ Қоғамның Директорлар кеңесі туралы ережемен белгіленген өлшемдеріне сәйкес келеді, атап айтқанда: Қоғамның үлестес тұлғасы емес және де ол Директорлар кеңесіне сайланғанға дейінгі үш жыл ішінде үлестес тұлға болмаған (Қоғамның тәуелсіз директоры лауазымында болу жағдайын қоспағанда); Қоғамның үлсетес тұлғаларына қатысты үлестес тұлға емес; Қоғамның лауазымдық тұлғаларына немесе Қоғамның үлестес тұлғаларына – ұйымдарға бағынбайды; мемлекеттік қызметші емес; Қоғам аудиторы емес және де ол Директорлар кеңесіне сайланғанға дейінгі үш жыл ішінде аудитор болмаған; аудит жүргізетін ұйым құрамында жұмыс істейтін аудитор ретінде Қоғамда аудит жүргізуге қатыспайды және де ол Директорлар кеңесіне сайланғанға дейінгі үш жыл ішінде мұндай аудит жүргізуге қатыспаған.

«Ұлттық ақпараттық технологиялар» АҚ акцияларын иелену: иелігінде жоқ.

Компанияның өнім берушілері мен бәсекелестерінің акциялары: жоқ.